Inspektorati Shëndetësor Shtetëror ka pezulluar punimet në fabrikën e prodhimit të kabujve në Bathore, pasi një ditë më parë 6 punonjës u asfiksuan në ambientet e punës.
Punonjësit u shtruan në spital, pasi shfaqën probleme me frymëmarrjen. Ata mund të jenë helmuar nga ndonjë solucion gjatë punës, megjithatë rezultati përfundimtar pritet nga ISHP.
Në fabrikën në fjalë ka rreth 3 mijë punonjës. Kujtojmë këtu se grupi hetimor, ka sekuestruar kamerat e fabrikës ku gratë ishin të punësuara dhe pritet të vëzhgohen pamjet për të qenë më të qartë mbi ngjarjen e ndodhur.
Një ditë më parë u njoftua se disa punonjëse të një fabrike të prodhimit të kabujve elektrikë në Bathore të Tiranës, u paraqitën në ambientet e QSUT-së pasi kanë pasur shqetësime shëndetësore dhe kanë shfaqur shenja asfiksie.
