Ministri i Brendshëm, Saimir Tahiri, ditën e sotme ka marë pjesë në anëtarësimet e reja në Partinë Socialiste. Ai nuk ka hezituar pa përmendur ftesën që Kryeministri Rama i dërgoi opozitës për dialog.
Ai tha se opozita ju përgjigj me dhunë ftesës por Partia Socialiste nuk do të ndalon së kërkuari dialogun për përmbylljen e reformës në drejtësi.
“Ne kemi detyrim historik që shqiptarët të kenë drejtësinë që meritojnë që të mos taksohet më i forti për shkak të parave apo të muskujve. Dialogun duhet t`ja kërkojmë papushim opozitës”, tha Tahiri.
Ai u ndal tek opozita duke e krahasuar atë me një komshi sherrxhi. “Është njëlloj sikur të kesh një koshmi sherrxhi. Ti mundohesh të vësh qetësi dhe mirësi në komunitet por ky komshiu sherrxhi thyen pocat”, tha Ministri Tahiri.
Në takimin e rradhës me të rinjtë Partia Socialiste zgjodhi të ishte Ministri i Brendshëm për të shpërndarë teserat e PS-së. Ai tha se anëtarësimet e reja nuk kanë si qëllim të sjellin të rinjtë në Partinë Socialiste thjesht si numër. Në këtë takim ishin të pranishëm dhe disa deptutetë të tjerë të Partisë Socialiste.
