Një 44 vjeçar është arrestuar ditën e sotme nga policia e Durrësit, pasi akuzohet se ka përndjekur për 7 muaj një 40-vjeçare.
Blutë bëjnë me dije se në pranga ka rënë shtetasi me iniciale B.Ç.
Njoftimi i policisë:
Specialistët për Hetimin e Krimeve të Komisariatit të Policisë Durrës vunë në pranga shtetasin B. Ç., 44 vjeç, banues në lagjen nr. 16, pasi një shtetase 40 vjeçe ka kallëzuar se shtetasi B. Ç. e ka përndjekur për një periudhë 7-mujore, si dhe se ky shtetas e ka fyer dhe kanosur me fjalë. Vijojnë veprimet hetimore për verifikimin e plotë të këtij kallëzimi.
