Një 27-vjeçar është arrestuar nga policia në Gjirokastër, pasi akuzohet se prej dy vitesh përndiqte një vajzë.
Aktualisht viktima është 18 vjeçe, por shtetasi me inicialet F.M. ka nisur ta përndjekë kur ajo ka qenë ende e mitur.
“Specialistët e Seksionit për Hetimin e Krimeve të Komisariatit të Policisë Gjirokastër ndaluan shtetasin F. M., 27 vjeç, banues në Gjirokastër, pasi në këtë Komisariat, është paraqitur bashkë me një gazetare të emisionit investigativ, një shtetase 18 vjeçe, e cila ka kallëzuar se 27-vjeçari e përndiqte në mënyrë të vazhdueshme, për një periudhë kohore 2-vjeçare”, njofton policia.
Materialet në ngarkim të shtetasit F. M. i kaluan Prokurorisë pranë Gjykatës së Shkallës së Parë të Juridiksionit të Përgjithshëm Gjirokastër, për veprime të mëtejshme.
