Një turiste austriake ka humbur jetën në Përmet, pasi ka rënë nga biçikleta.
Policia njoftoi se rreth orës 13:30, në aksin rrugor Përmet-Çarshovë në vendin e quajtur ‘Kthesa e Zhepes’, shtetasja austriake H.F., rreth 70 vjeçe, duke udhëtuar me biçikletë, me një grup turistësh, ka humbur kontrollin mbi drejtimin e biçikletës dhe është rrëzuar nga biçikleta.
Si pasojë e dëmtimeve ka ndërruar jetë.
Në vendngjarje kanë shkuar shërbimet e Policisë dhe grupi hetimor dhe vijon punën për sqarimin e plotë të rrethanave të ngjarjes, shtuan të njëjtat burime.
