Kryebashkiaku i bashkisë Maliq, Gëzim Topçiu ka denoncuar deputetin e Partisë Demokratike Edmond Spaho për dhunë në qendrën e votimit në Zvezde.
Nga ana tjetër, vetë Spaho thotë se ka tentuar të kontaktojë me komisionerin dhe nuk e kanë lënë të futet në sallë duke e shtyrë për ta nxjerrë jashtë.
Kapi me forcë një person në Maliq, Spaho: “Më informuan se një bandë prej 50 vetash e Ilir Kondavinit bllokoi procesin, shkova atje, dy gorilla më dolën para dhe nuk më lejonin të kontaktoja. Ato më zinin rrugën, në këto kushte u detyrova që ti largoj. Dola jashtë, lajmërova Policinë, erdhën aty. Më pas erdhën një tufë tjetër, duke intimiduar mua dhe përfaqësuesit e mi.”
Ai shprehet se përfaqësues të PS kanë intimiduar qutetarët ndërkohë që ka njoftuar edhe policinë në lidhje me këto shkelje.
