Policia e Fierit ka vënë në pranga dy persona dhe ka proceduar penalisht një tjetër për vepra të ndryshme penale. Një 69 vjeçar është arrestuar pasi ka ushtruar dhunë ndaj gruas së tij, ndërsa një 52 vjeçar është proceduar për dhunë ndaj bashkëjetueses së tij.
“Specialistët për Hetimin e Krimeve të Komisariatit të Policisë Fier arrestuan shtetasin R. S., 69 vjeç, banues në Varibob, pasi ka ushtruar dhunë ndaj bashkëshortes së tij.
Po nga këta specialistë u referuan materialet në Prokurori dhe nisi procedimi në gjendje të lirë për shtetasin K. H., 52 vjeç, banues në Patos, pasi dyshohet se ka ushtruar dhunë ndaj bashkëjetueses së tij.”– njofton policia.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprime të mëtejshme.
