BBC shkruan se kënga sqiptare, konkurruese në Eurovision 2023, është një mesazh i fortë për rëndësinë e familjes. Shqipëria do të paraqitet në këtë festival me këngën ”Duje” të Albina Kelmendit dhe familjes së saj.
”Teatrale dhe dramatike, kënga shqiptare mbart një mesazh të fortë për rëndësinë e familjes dhe pranimin e njerëzve që doni për atë që ata janë.
Vokali mbresëlënës dhe harmonitë ballkanike ndërtohen në një kor tërheqës, me Albinën e shoqëruar në skenë nga pesë anëtarë të familjes së saj, përfshirë nënën dhe babain e saj.
Zëri i Albinës të prek telat e zemrës”– shkruan BBC.
Këtë vit, Festivali Evropian i Këngës në Liverpul do të ketë 37 vende që do të garojnë për t’u kurorëzuar kampion.
Shqipëria do të këndojë natën e dytë të gjysmëfinales, 11 maj, ndërsa performanca do të jetë e 9-ta në radhë.
