Ish-ministri i Drejtësisë, Ylli Manjani, ka ironizuar sërish sot ambasadorin e SHBA-ve në vendin tonë Donald Lu.
Sipas Manjanit për Donald Lu-në dhe ambasadën amerikane më e rëndësishme është kënga e fundvitit sesa gjendja në Shqipëri.
Pikërisht për këtë arsye, Manjani duke bërë ironi i sugjeron ambasadorit Lu si këngë për fundviti këngën me titull: ‘Çfarë do bëhem kur të rritem’.
Ja çfarë shkruan Manjani:
Meqë Ambasada e USA kërkon mendime për këngën e fundvitit, i sugjeroj të këndojë këngën “Çfarë do bëhem kur të rritem”. Ndërkohë ska asnjë fjalë për drogën apo arrestimet politike të të rinjve! Me respekt, por nuk do marrim leje të protestojmë proporcionalisht kundër qeverisë!
