Pas një rrugëtimi të gjatë në “Big Brother VIP”, Luiz Ejlli është shpallur fitues i këtij edicioni, me kundërshtarin e fundit, Krist Aliajn.
Mes lotësh dhe emocionesh, Luizi shprehu falenderimet e tij për publikun dhe jo vetëm që e ndihmuan të shpallet fitues. Një reagim për fitoren e këngëtarit e ka bërë dhe fituesi i “Big Brother Canada”, Kevin Jacobs.
Në një postim në rrjetin social, Instagram, Kevin shprehet se tashmë “nxënësi është bërë mësues”.
“Nxënësi është bërë mësues. Urime Luizit për fitoren dhe faleminderit shqiptarëve në mbarë botën për udhëtimin e jashtëzakonshëm.” shkruan ai.
Jacobs ka postuar në rrjetin e tij social edhe më parë foton e këngëtarit të njohur, duke vlerësuar strategjinë e tij. Por jo vetëm kaq, pasi Jacobs ka postuar edhe disa video në “Instastory” ku ka thënë se e gjithë kanadaja ndjek Big Brother Vip.
