Regjisori i “Big Brother Albania VIP”, Eduart Grishaj foli në “FunClub” për biletat të cilat tashmë kanë dalë në treg dhe çmimet nisin nga 500 euro deri në 1000.
Grishaj zbuloi se finalja do zhvillohet në studiot e Top Channel dhe se njerëzit kanë në dispozicion 150 bileta për ta ndjekur atë nga afër. Ai tha se çmimi është me këtë vlerë pasi paketa përfshin takim me banorët dhe hyrje në ambientet e shtëpisë më të famshme.
“Është bërë tërkuzë kjo puna e biletave 1000 euro. Do jenë rreth 150 vende për ata fatlumë që do ndjekin finalen e jashtëzakonshme. Nuk do jenë thjesht në studio, por do jenë edhe pjesë e shtëpisë së Big Brother, do kenë mundësi të takojnë nga afër banorët. Do jetë një biletë e veçantë që nuk do e harrojnë kurrë. Është si paketë ‘all inclusive’. Ka dhe për të pirë dhe për të ngrënë”, tha Grishaj.
