Skena të rënda dhune dhe përplasjesh me policinë janë regjistruar në disa qytete franceze gjatë demonstratave të “1 Majit”, të motivuara këtë herë edhe nga urrejtja në rritje përkundrejt qeverisë së Emmanuel Macron, për shkak të reformës për rritjen e moshës së pensionit nga 62 në 64 vjeç.
Qindra mijëra njerëz u derdhën në sheshe, kryesisht në qytete të mëdha si Parisi, Lioni dhe Nantë dhe si pasojë e përleshjeve mbetën të plagosur 108 efektivë policie.
Ministria e Brendshme tha se numri i përgjithshëm i demonstruesve ishte 782,000, duke përfshirë 112,000 në kryeqytetin Paris, por sindikata CGT thotë se shifra është trefishi i të dhënave zyrtare të qeverisë.
Sakaq, pamje nga momenti kur protesta eskalon në kryeqytetin francez janë publikuar prej mediave dhe tregojnë një moment kur turma sulmon me koktej molotov kordonin e efektivëve të policisë.
Paris is out of control🇫🇷 pic.twitter.com/tq1Et5D6Qn
— Dr. Anastasia Maria Loupis (@DrLoupis) May 1, 2023
Njëri prej policëve merr flakë dhe kolegët shihen teksa nxitojnë për të shuar zjarrin në trupin e tij.
