Një 36-vjeçar me origjinë nga Sri Lanka, me banim në Paris, është arrrestuar nga policia kufitare në Hanin e Hotit, pasi tentoi të kalonte një emigrante të paligjshme me makinë.
36-vjeçari tentoi të kalojë me automjetin e tij, në pikën kufitare të Hanit të Hotit, në mënyrë të paligjshme, shtetasen J. L., nga Sri Lanka.
Policia shqiptare ka proceduar penalisht në gjendje të lirë dhe 34-vjeçaren.
“Strukturat e DVKM Shkodër, në bashkëpunim me specialistët e Hetimit të Trafiqeve të Paligjshme të DVP Shkodër, arrestuan shtetasin J. J., 36 vjeç, banues në Paris, Francë, për veprën penale “Ndihma për kalim të paligjshëm të kufijve”.
36-vjeçari ka tentuar të kalojë me automjetin e tij, në PKK Hani i Hotit, në mënyrë të paligjshme, shtetasen J. L., nga Sri Lanka”, njofton policia.
Materialet në ngarkim të tyre i kaluan prokurorisë së Shkodrës për veprime të mëtejshme hetimore.
