Kandidati i koalicionit “Bashkë Fitojmë” për bashkinë e Elbasanit Luçiano Boçi ka kërkuar fikjen dhe mbylljen përfundimtare të inceneratorit të Elbasanit.
Në një reagim në rrjetet sociale, ai shkruan se ky objekt është dënimi kolektiv me vdekje për qytetarët e Elbasanit nga një skotë e paskrupullit. Boçi thotë se kjo është gjurmë e një beteje të hershme mes tij dhe atyre që nuk pyesin për Elbasanin.
“Po i rikthehem tashmë me një mision të ri një beteje të vjetër! Si qytetar i Elbasanit, si përfaqësues i përhershëm I banorëve të këtij qyteti, si mbrojtës I të drejtës së tyre për tyre për jetë unë kërkoj fikjen dhe mbylljen përfundimtare të Inceneratorit të Elbasanit. Inceneratori i Elbasanit është dënimi ynë kolektiv me vdekje nga një skotë e paskrupullt. Kjo është një gjurmë e kësaj beteje të hershme mes meje dhe atyre që nuk pyesin për Elbasanin”, shprehet ai.
