Për legjendën gjermane Lothar Matthaus, kriza që ka pushtuar skuadrën e Bayern Mynih këtë sezon e ka emrin Oliver Kahn. Ish-portieri gjerman është shefi i klubit bavarez, që këtë sezon ka ndërruar trajner dhe ka humbur kryesimin e Bundesliga. Jo vetëm kaq, por sherret brenda ekipet kanë pusthaur këtë skuadër, që rrezion ta mbylle sezonin pa trofe.
“Ka ndodhur diçka që nuk mund ta imagjinonim 3-4 muaj më parë. Është e qartë se Oliver Kahn ka humbur kontrollin e klubit. Prisja më shumë nga ai dhe nga presidenti Herbert Hainer. Pa harruar edhe blerjet që ka bërë Salihamidzic, që kanë qenë pa vlera të mëdha”, u shpreh Matthaus për “Bild”.
“Kahn ka interesa të tjera, i pëlqen të shplodhet, i pëlqen të luajë golf. Por duhet të kuptojë se ka një klub për të drejtuar dhe për të kjo është një sfidë e re, që ndoshta nuk e kupton. E ka nënvlerësuar situatën dhe të gjithë tifozët këtu në Mynih po vuajnë për skuadrën e tyre. Kahn nuk e ka idenë se çfarë po ndodh, pasi ai nuk është kurrë aty”, tha Matthaus.
