Skënderbeu nga dita e sotme mund të quhet skuadra më e re e elitës së futbollit shqiptar, sëbashku me Dinamon.
Dy skuadrat ia dolën të siguronin matematikisht ngjitjen në Superiore dhe që nga sot duhet të mendojnë për merkaton e verës për të bërë përforcimet e duhura.
Festës së titullit i është bashkuar edhe një ish. Vangjel Zguro ka ndarë postimin e korçarëve në rrjete sociale duke i përgëzuar për rikthimin në elitë.
Zguro ka qenë pjesë e Skënderbeut në sezonin kur ata ranë nga Superiora dhe deri në pjesën e parë të këtij edicioni ndërsa në merkaton e janarit u largua drejt Bylisit.
Munt të duket si një “shkelje syri” e mbrojtësit të majtë ose thjeshtë një urim miqësor pasi marrëdhëniet mes dy palëve janë të mira.
Gjithsesi, merkato e verës do ta vendosë teksa aktualisht Zguro me Bylisin gjenden në zonën e rënies dhe një përfundim i tillë mund të sillte largimin e tij nga ballshiotët.
