Një 25-vjeçar i cili lëvizte me automatik me vete duke terrorizuar banorët në Vaun e Dejës është arrestuar.
I riu kishte edhe më herët probleme me ligjin duke qenë se ishte i dyshuar për përfshirje në veprimtari kriminale në fushën e narkotikëve.
Policia gjeti dhe sekuestroi në cilësinë e provës materiale, një armë zjarri kallashnikov dhe 2 krehra fishekësh.
Në bashkëpunim me Prokurorinë, strukturat hetimore të Komisiariatit të Policisë Vau i Dejës dhe ato të DVP Shkodër, vijojnë punën për dokumentimin e plotë ligjor të këtij rasti.
