Një tjetër viktimë në lule të rinisë është shënuar nga aksidentet tragjike në rrugët e vendit.
Ashtu si në Poliçan mbrëmjen e së mërkurës, ku një 15-vjeçar vdiq në vend pasi mjeti i drejtuar prej vëllait të tij të mitur u përfshi në aksident, edhe sot në Korçë një bashkëmoshatar humbi jetën, pasi “BMW” e drejtuar nga vëllai i tij 21-vjeçar doli nga rruga e përfundoi në kanalin kullues.
Viktima është identifikuar si 15 vjeçari, Rei Sherifi. Ai ndodhej në sediljen e pasagjerit, në mjetin tip BMË me targa AB 077 CF që drejtohej nga vëllai i tij Kevi Sherifi.
Burime spitalore bëjnë me dije se i mituri ka gjetur vdekjen sapo ka hyrë në reanimacion, ndërkohë që vëllai i tij ndodhet nën kujdesin e mjekëve, në gjendje të rëndë por jashtë rrezikut për jetën.
Sa i përket aksidentit, mjeti ka qenë me shpejtësi të lartë dhe ka marrë përpara disa metra të barrierës mbrojtëse, e cila ka çarë mes për mes makinën duke i shkaktuar plagë të shumta 15-vjeçarit.
Sipas ekspertëve të qarkullimit rrugor, dy vëllezërit kanë qenë duke udhëtuar nga Bilishti në drejtim të Korçës dhe drejtuesi ka humbur kontrollin duke u përplasur me barrierën mbrojtëse në krahun e kundërt të rrugës.
Goditja ka qenë aq e fortë sa mjeti është ndarë në disa pjesë.
Ekpertët e qarkullimit rrugor mendojnë paraprakisht se drejtuesi i mjetit në momentin e aksidentit mund të ketë kryer një parakalim të gabuar.
Po ashtu, nga shpejtësia tej normave të lejuara, Kevi Sherifi e ka pasur të vështirë të mbajë mjetin nën kontroll dhe për pasojë është postuar në krahun e kundërt të rrugës nacionale Dishnicë-Çiflig.
Njoftimi i Policisë:
Më datë 21.04.2023, rreth orës 12:05, në rrugën “Dishnicë-Çiflig”, shtetasi K. Sh., 21 vjeç, banues në fshatin Pojan, Maliq, duke drejtuar automjetin tip “BMW”, dyshohet se ka humbur kontrollin e drejtimit të automjetit dhe automjeti ka dalë nga rruga.
Për pasojë, janë dëmtuar drejtuesi K. Sh., i cili ndodhet nën kujdesin e mjekëve dhe shtetasi R. Sh.,15 vjeç, pasagjer në automjet, i cili pas mbërritjes në spitalin e Korçës, ka ndërruar jetë.
Grupi hetimor po kryhen veprimet procedurale dhe po punon për të përcaktuar shkaqet e daljes nga rruga.
LEXO EDHE:
Aksident i rëndë në Korçë/ Makina del nga rruga, vdes njëri nga vëllezërit (EMRI)
Aksidenti në Korçë, ndërron jetë në spital 15 vjeçari (EMRI)
