Kandidati për Tiranën i koalicionit “Bashkë Fitojmë”, Belind Këlliçi ka deklaruar në emisionin “Opinion” se nëse nuk arrin të zbatojë planin e tij për transportin publik falas jep dorëheqjen nga detyra si kryetar bashkie.
Të njëjtin zotim, Këlliçi e bëri gjatë ditës së sotme dhe gjatë prezantimit të nën kalimit në sheshin “Skënderbej”.
Kandidati i koalicionit “Bashkë Fitojmë” për Bashkinë e Tiranës, Belind Këlliçi thotë se premtimi i tij për transportin falas në Tiranë do të ketë një kosto prej rreth 16.8 milionë Euro në vit.
Gazetari: Nëse zgjidhesh kryetar bashkie dhe nuk e bën transportin publik falas, do ikësh?
Belind Këlliçi: “Më shiko në sy, do iki. Nuk i dal më qytetarëve para për të kërkuar më votën. Do iki.”
