Një emigrant është vrarë nga Policia mëngjesin e sotëm në Gjevgjeli, Maqedoni e Veriut. Mediet maqedonase raportojnë se njëri prej trafikantëve të migrantëve ka sulmuar një polic, duke tentuar që t’i marrë edhe armën.
Në këtë moment polici ka qëlluar me armë dhe plumbi ka kapur njërin prej emigrantëve. Ndonëse ai është dërguar menjëherë në spital për të marrë ndihmën e nevojshme mjekësore, nuk ka mundur dot që t’i mbijetojë plagëve dhe për pasojë ka ndëruar jetë.
Pak ditë më parë Drejtoria e doganave njoftoi se ekipet e saj kanë parandaluar hyrjen e paligjshme të pesë migrantëve nga Kongoja dhe Afganistani në Maqedoninë e Veriut. Migrantët ishin fshehur në një rimorkio për pjesë rezervë në një kamion me targa të Serbisë, ndërsa janë zbuluar nga doganierët gjatë kontrollit në pikën kufitare “Bogorodica”.
