Mesfushori uruguajan Federico Valverde mund të pezullohet nga 4-12 javë për grushtin që i adresoi rivalit Alex Baena në parkimin e stadiumit “Santiago Bernabeu”.
Lojtari madrilen, i cili ka pasur një konflikt verbal me mbrojtësin spanjoll që në ndeshjen e muajit janar, u përplas edhe në fushën e stadiumit madrilen ndërsa vendosi të hakmerrej duke e sulmuar në parkimin e stadiumit pas ndeshjes me Villarreal-in.
Fillimisht federata njoftoi se nuk do të niste një hetim pasi nuk kishte raportim nga zyrtarët e ndeshjes por Komisioni Kombëtar Kundër Dhunës i transferoi dosjen drejtësisë sportive ku nënvizon dhunën e mesfushorit. Tashmë për uruguajanin parashikohet një dënim i gjatë deri në 12 ndeshje.
