Sipas “Le Parisien”, Arsenali ka kontaktuar me N’Golo Kantenë për një transferim të mundshme te “topçinjtë” sezonin e ardhshëm. Mesfushori francez, i cili luan për rivalët e Çelsit që nga transferimi i tij në verën e vitit 2016 nga kampionët e Lestërit, aktualisht është në bisedime me klubin e tij për rinovimin e kontratës në “Stamford Bridge”, e cila skadon në fund të sezonit.
Por deri tani nuk ka pasur ende një vendim për të ardhmen e tij. Mes pasigurisë, një numër klubesh rivale si PSG dhe Barcelona kanë shfaqur interes për 32-vjeçarin, i cili, do të ishte shumë joshës për tregun si një lojtar me parametër zero.
Kante është rikthyer vetëm së fundmi në fushë, pas një periudhe të gjatë dëmtimi. Dhe pikërisht për shkak të dëmtimit të gjatë, mesfushori i ka luajtur katër ndeshjet e tij të fundit nën drejtimin e katër trajnerëve të ndryshëm: Tomas Tuhel, Graham Poter, Bruno Saltor dhe Frenk Lampard.
Sipas “Le Parisien”, rivalët e Çelsit kanë qenë të interesuar për Kantenë që nga janari. Gjatë asaj dritareje merkatoje, ata transferuan shokun e tij të skuadrës, Zhorzhinjon, për 12 milionë paund, pjesërisht për shkak të mungesës së Kantesë në atë kohë.
