Gjykata ka vendosur mospranimin e autoriteteve ruse për ekstradim në Rusi të Svetlana Timofeeva, për shkak senë Rusi nuk respektohen konventat për të drejtat e njeriut dhe rusja atje mund të persekutohet për qëllime politike.
Blogerja, e arrestuar prej gushtit 2022 në Shqipëri për spiunazh dhe e kërkuar nga Rusia për akuza të ngjashme, ka paraqitur një kërkesë për azil politik, pasi pretendon se në Rusi do të përndiqet politikisht për qëndrimet kundër regjimit të Putin dhe kundër luftës në Ukrainë.
Timofeeva mbahet në qeli me akuza të spiunazhit nga prokuroria e Elbasanit, pasi u ndalua së bashku me 2 persona të tjerë në afërsi të ish-Uzinës Mekanike të Gramshit.
