Dy shtetase nga Nepali, të punësuara pranë një biznesi në zonën e Durrësit janë denoncuar të zhdukura.
Kallëzimin në polici për zhdukjen e tyre e ka bërë pronari i biznesit, ku ato ishin akomoduar dhe punonin në sektorin e higjienës.
“Në Stacionin e Policisë Plazh ka kallëzuar shtetasi I. K., 68 vjeç, administrator i një biznesi (hotel dhe restorant në zonën e quajtur “Shkëmbi i Kavajës”, Durrës), se janë larguar nga ambientet e këtij biznesi, 2 shtetaset nga Nepali, P. Sh., 35 vjeçe dhe E. D., 23 vjeçe, të cilat ishin të akomoduara aty dhe gjithashtu punonin në po këtë biznes, si punonjëse të higjienës”, thuhet në njoftim.
Policia vijon punën për gjetjen e tyre, si dhe kanë referuar materialet në Prokurori për hetime të mëtejshme për këtë rast.
