Deputeti demokrat Tritan Shehu ka kërkuar në Kuvend që të diskutohet gjyqi i Hagës lidhur me akuzat për krime lufte gjatë luftës së Kosovës.
Shehu tha se Parlamenti i Shqipërisë po krijon imazhe të rënda duke shkelur rregulloren pasi nuk ka pranuar kërkesën për të diskutuar akuzat ndaj ish krerëve të UCK-së të cilët po gjykohen për krime lufte.
Shehu tha se Shqipëria duhet të dënojë ngritjen e këtij procesi pasi vetë Kosova nuk mund ta bëjë pasi nuk është pjesë e OKB. Më tej ai theksoi se deputetët e vendit tonë nuk mund të lejojnë të ndyhet lufta çlirimtare.
“Preket imazhi i Shqipërisë, Kosovës dhe po bëhet shkak për ngrijën e këtyre drejtuesve të UCK në Hagë. Ne krijojmë imazhe të rënda kur shkelim rregulloren, kemi paraqitur prej muajsh kërkesën për të diskutuar dhe dënuar gjenocidin serb në Kosovë, por nuk është sjellë në Parlament për të miratuar ose jo. Ndërkohë drejtuesit e UCK kërkohen të dënohen për krime lufte, dominon shpifja për shqiptarët.
Ne duhet të njohim dhe dënojmë ngritjen e këtij procesi, pasi Kosova nuk mund ta bëjë se nuk është pjesë e OKB-së. Ndërsa ne lejojmë të ndyhet lufta çlirimtare.”- tha ai.
