Policia e Sarandës është vendosur në alarm ditën e sotme, pasi dy persona me precedentë penalë janë raportuar të zhdukur në rrethana ende të paqarta.
Blutë e qytetit bregdetar kanë nisur hetimet për zhdukjen e dy 46-vjeçarëce, Leonard Thodhori, banues në fshatin Çuk dhe Fatmir Sulovari (alias Fatmir Krasniqi), banues në qytetin e Sarandës.
Policia e Sarandës prej orësh po kryen këqyrje kamerash sigurie, dhe kontrolle të ndryshme, por ende nuk ka një pistë hetimi lidhur me zhdukjen e dy personave, të skeduar edhe më parë për ngjarje të ndryshme.
Sa i përket të zhdukurve, Leonard Thodhori është i njohur me pseudonimin “Koçole” dhe është dënuar disa herë.
Ai dyshohet si pjesëmarrës në Masakrën e Qafë-Gjashtës në vitin 199, ku u vra oficeri i policisë Gjergj Mehmeti. Në vitin 2003 ka qenë prezent në automjetin që drejtohej nga Andrea Gjini para se ky i fundit të vriste biznesmenin Jaho Bajo, ndërsa po atë vit është arrestuar për “moskallëzim krimi” lidhur me një ngjarje tjetër të kryer nga Gjini.
Thodhori ka qenë i arrestuar me pas për “vjedhje” e “mashtrim”, ndërsa në qytet njihet si përdorues i lendeve narkotike dhe i përfshirë në trafik droge.
Ndërkohë, Fatmir Sulovari ka qenë i dënuar më parë për “armëmbajtje pa leje” dhe “plagosje e lehtë me dashje”.
Ai rezulton se është arrestuar në prill 2022 në Lushnje, pasi në mjetin e tij “BMË” X5 u gjet një sasi kanabisi e ndarë në doza gati për shitje.
