Dhuna në familjet shqiptare vijon të mbetet një fenomen tepër shqetësues dhe këtë e tregojnë më së miri shifrat e procedimeve të publikuara nga policia.
Vetëm në këtë fundjavë në kryeqytet janë arrestuar tre persona, të cilët akuzohen për ushtrim dhune ndaj anëtarëve të tjerë të familjes.
Pas hekurave kanë përfunduar dy baballarë që kanë ngritur dorën mbi vajzat e tyre.
“Specialistët për Hetimin e Krimeve të Komisariatit të Policisë Nr. 1 arrestuan shtetasit: – T. B., 50 vjeç, banues në Tiranë, pasi ka ushtruar dhunë ndaj vajzës së tij. Specialistët për Hetimin e Krimeve të Komisariatit të Policisë Nr. 2 arrestuan shtetasit: – A. F., 57 vjeç, banues në Tiranë, pasi ka ushtruar dhunë ndaj vajzës së tij”, njoftojnë uniformat blu.
Sakaq, i arrestuari i tretë është një 20-vjeçar me inicialet D. I., banues në Tiranë, i cili ka ushtruar dhunë ndaj motrës së tij të mitur.
