Një 38-vjeçar që rezultonte i shpallur në kërkim nga policia në kuadër të operacionit “Hudënishti”, është vënë në pranga në Tiranë.
Mësohet se i arrestuari është Klevis Melani, për të cilin Gjykata e Rrethit Gjyqësor Pogradec ka caktuar masën e sigurisë “Arrest në burg”, për veprën penale “Trafikimi i narkotikëve”, kryer në bashkëpunim.
Melani ishte shpallur në kërkim në kuadër të operacionit policor antidrogë të koduar “Hudënishti”, të zhvilluar më datë 13.09.2021, pasi në bashkëpunim me shtetas të tjerë, tentoi të trafikonte lëndë narkotike, nga Shqipëria drejt Maqedonisë së Veriut.
Materialet procedurale i kaluan Prokurorisë, për veprime të mëtejshme.
