Aksidenti ndodhi pak pasi anija, Valiant Lady, ishte larguar nga Miami të dielën. Ai u kthye menjëherë në port.
Një pasagjer në një lundrim të “Virgin Voyages” ka vdekur pasi ra nga ballkoni i kroceres pak pasi anija u nis.
Anija, “Valiant Lady” ishte nisur nga Miami të dielën për në Honduras kur ndodhi incidenti.
“Të dielën, pak pas nisjes pati një urgjencë mjekësore që përfshinte një nga pasagjerët tanë. Ky pasagjer ra mbi ballkon në një kuvertë më të ulët dhe pavarësisht se mori kujdes të menjëhershëm mjekësor, ka ndërruar jetë”, tha kompania e linjës së lundrimit në një deklaratë për Sky Neës.
Në kuvertën e poshtme ku personi ka rënë ka qenë një pasagjer, por pavarësisht forcës së përplasjes ai nuk është lënduar rëndë.
Pasagjeri nuk u identifikua dhe nuk u dhanë detaje të mëtejshme, me “Virgin Voyages” që tha se donte të mbronte privatësinë e të përfshirëve.
Anija u kthye në Miami herët të hënën në mëngjes, por që atëherë ka rifilluar lundrimin me ndryshime të vogla në itinerar.
“Virgin Voyages” tha se ndihen “thellësisht të pikëlluar” nga ajo që ndodhi. “Zemrat dhe mendimet tona janë me të dashurit e këtij personi”, thuhet në deklaratë.
