Një aksident është regjistruar pasditen e sotme në Fier. Policia njofton se një automjet tip ‘Benz’ ka përplasur një të mitur rreth 12-vjeç.
Mësohet se në momentin e aksidentin fëmija ka qenë duke lëvizur me biçikletë. Ai është transportuar me urgjencë për në spital dhe ndodhet në kujdesin e mjekëve.
NJOFTIMI:
Rreth orës 18:10, në lagjen “1 Maji”, Fier, automjeti tip “Benz” me drejtues shtetasin V. V., ka përplasur një shtetas të mitur 12 vjeç, i cili ishte duke udhëtuar me biçikletë.
Shtetasi i mitur ndodhet në spital, në kujdesin e mjekëve, ndërsa shtetasi V. V. u shoqërua në ambientet e Policisë, për kryerjen e veprimeve të mëtejshme procedurale.
Grupi hetimor po punon për përcaktimin e shkaqeve të aksidentit.
