Një shqiptar i shpallur në kërkim në Itali është arrestuar në Castel Volturno.
Mësohet se arratia e 38-vjeçarit shqiptar zgjati disa muaj ndërsa për të rëndonte një urdhër-arresti me burg, lëshuar më 21 mars e kaluar nga Prokuroria Publike në Gjykatën e Santa Maria Capua Vetere për grabitje, krime dhe lëndime të rënda të kryera në vitin 2018 në Francolise.
Shqiptari, me vendbanim në Capua, u arrestua nga karabinierët e seksionit operativ të Kompanisë së Kazertës.
Ishte ora 12:30 e ditës së djeshme, kur ai u vu re nga një patrullë teksa udhëtonte në bordin e një makine tip “Citroen C3” me një person tjetër.
Karabinierët kërkuan përforcime dhe të dy u ndoqën deri në zonën Pinetamare të Castel Volturno ku zbritën nga makina.
Në orën 14.00, përsëri në makinë, ata u drejtuan për në Mondragone. Kjo periudhë kohore ishte e dobishme për karabinierët për të përgatitur një pajisje që do t’i ndalte atyre lëvizjen pa rrezikuar sigurinë e qytetarëve.
Në një pikë kontrolli të paracaktuar në një zonë të izoluar, më pas u urdhërua ndalimi i makinës me të kërkuarin në bord, i cili pasi la të kuptohej se do të ndalonte, më pas shkeli gazin papritmas duke ikur sërish.
Të ndjekur nga disa makina policie, ai dhe personi tjetër që ndodhej në makinë morën një rrugë dheu ku ndaluan makinën për të vazhduar arratisjen në këmbë.
Në këtë rast, pasagjeri ka ngecur me rripin e sigurimit kur ka tentuar të dalë nga automjeti dhe është bllokuar menjëherë. I kërkuari, megjithatë, u largua në këmbë, por u bllokua pas disa metrash.
Ai doli para togave të zeza të drejtësisë dhe u transferua në burgun e Santa Maria Capua Vetere në ekzekutim të urdhrit të burgut. Të dy u arrestuan për rezistencë ndaj një zyrtari publik.
