Belind Këllici lindi në 25 Janar 1987 në një familje tiranase.
Mësimet e para i mori në shkollën Pjetër Budi dhe më pas ndoqi shkollën e mesme “Harry Fultz” ku edhe u zgjodh President i Qeverisë Studentore në vitin shkollor 2004-2005. Ka luajtur tenis që në moshën 6-vjeçare dhe kam përfaqësuar Shqipërinë në shumë turne ndërkombëtare në vitet 2003-2005. Në vitin 2004 u shpall Kampion Kombëtar i moshave U-18 në këtë sport.
Studimet universitare i ndoqi në Coppin State University në Maryland SHBA, ku u diplomua për Shkenca Menaxhimi me titullin “Summa Cum Laude” – “Me Nderimet më të Larta”.
Në universit mori çmimin “Student ëith the highest GPA at graduation” – “Studenti me mesataren më të lartë në diplomim” dhe gjithashtu ishte pjesë e Sigma Beta Delta, një shoqëri ndërkombëtare e nderimeve për fushat e biznesit, menaxhimit dhe administrimit.
Në vitin 2009 u kthye në Shqipëri dhe iu bashkua Forumit Rinor të Partisë Demokratike.
Ai u zgjodh anëtar kryesie i Degës 10 në vitin 2013, në vitin 2014 anëtar i Këshillit Kombëtar të PDSH dhe në dhjetor të vitit 2014 anëtar Kryesie i PDSH si Drejtues i Departamentit të Përndjekurve Politikë dhe Pronarëve.
Në dhjetor 2015 dha dorëheqje nga të gjitha këto funksione, për të hyrë në garë si kandidat për të drejtuar FRPD.
Ne Dhjetor 2015 u zgjodh Kryetar i Forumit Rinor të Partisë Demokratike, në një proces “një anëtar, një votë”.
Në Shkurt të vitit 2021 u emërua Drejtues Politik i Qarkut Tiranë për zonën e Kombinatit, Kasharit, Yzberishtit, Unazës së Re, Pezēs, Vagarrit dhe Ndroqit.
Në zgjedhjet parlamentare 2019 garoi për Qarkun Tiranë nën logon e koalicionit të drejtuar nga PD, duke marrë 11,601 vota preferenciale.
Më 27 tetor 2022, shpalli kandidaturën në Primaret e Partisë Demokratike për kreun e Bashkisë Tiranë, duke dalë fitues.
Kjo i hapi rrugën kandidimit të tij nën logon e koalicionit “Bashkë Fitojmë” për zgjedhjet lokale të 14 Majit.
*CV bazuar në informacionet e faqes online “belindkellici.al”.
