Është pak por e sigurt që Luiz Ejlli ka rrëmbyer zemrat e një publiku shumë të gjerë. Pjesë e këtij publiku janë edhe emra të njohur të showbiz-it shqiptar, të cilët e kanë mbështetur publikisht artistin nga Shkodra.
Së fundmi, Xhensila Myrtezaj mund të bëjë një bashkëpunim (këngë të re) me Luizin. Artistja shtoi se së bashku me partnerin e saj, Bes Kallakun, janë në mbështetje të banorit të “Big Brother VIP” .
“Ta marrim kështu, super këngëtar është, ka një karrierë të mëparshme goxha të mirëfilltë, fitues i ‘Etheve të së Premtes’ pak a shumë kemi një rrugëtim të njëjtë edhe pse unë nuk i fitova ‘Ethet’, pjesëmarrës në Eurovision, këngë shumë të suksesshme kështu që pse jo, po të jetë një këngë e duhur”, tha Xhensila. Pas famës së madhe në Big Brother, artisti shkodran do të ketë shumë oferta nga kolegët e tjerë.
