Anëtari i Këshillit Kombëtar të PD, Jamarbër Malltezi ka nxjerrë “zbuluar” kryebashkiakun e Tiranës, Erion Veliajn i cili zotohet se ka mbjellë 1 milion pemë në Tiranë.
Malltezi thekson se Veliaj e ka shkatërruar gjelbërimin në Tiranën duke prishur të gjitha parqet periferike të kryeqytetit të cilat sot janë zëvendësuar me beton.
Gjithashtu Malltezi në foton e publikuar në rrjetet sociale bën krahasimin mes dy kohësh të Parkut të Liqenit në vitin 2013 dhe situatën aktuale gjatë pushtetit të Veliaj ku gjithçka është “gllabëruar” nga betoni. Malltezi i bën thirrje SPAK-ut që të hetojë Erion Veliaj si përgjegjës për shkatërrimin e parqeve në Tiranë pasi sot hapësirat e gjelbërta nuk ekzistojnë por në vend të tyre ka vetëm kulla shumëkatëshe.
“Erion Veliaj paska deklaruar se ka dyfishuar siperfaqen e Parkut te Liqenit. Ai premtoi se do ndertonte me shume Parqe (ne shumes) sesa leje ndertimi por tani ngeci tek i vetmi park ndonese ne Planin Rregullues 2012 kish plot 5 parqe periferike!
Cfare ndodhi me parkun e Farkes? Betonizim i gjithi nga veliaj! Ndaj ngec tek i vetmi Park. Ketu Google Earth na ndihmon me foto te Parkut te Liqenit ne 2013 dhe si e beri Veliaj ne 2023. Betonizim e gjitha. Ku qenka dyfishuar parku, ne enderr?
Paska deklaruar se ka mbjelle 1 miljon peme ne Tirane. Kjo deklarate meriton hetim nga SPAK per vjedhje por kismet kur t’i thone Sssskape nese do i thone ndonjehere. Se kur siperfaqen e Parkut e ben ndertime nuk ke ku mbjell pervecse te vendosesh vazo lulesh”, shkruan Malltezi.
