Ditën e djeshme, Enkelejd Alibeaj mblodhi Krysinë e PD-së, për të diskutuar rreth mënyrës se si do të përfaqësohen në zgjedhjet e 14 majit. Anëtarësia u nda në dy mendime, ku një grup me në krye Jorida Tabakun dhe Dhurata Çupin, sugjeruan që të dilet me kandidatë unik nga PD-ja në këto zgjedhje, për të mos e bërë më të vogël mundësinë e fitores.
Pas mbledhjes, Alibeaj ka dalë në një deklaratë për mediat ku tha, se ende nuk janë përfunduar diskutimet dhe se ditën e sotme, do të mblidhet në orën 12:00 Kolegji i Kryetarëve dhe do të finalizohen diskutimet. Kujtojmë se në datën 27 është afati përfundimtar për regjistrimin e kandidatëve.
