Parashikimi Astrologjik dt 2 dhe 3 Dhjetor nga Zonja Meri
Periudhe Pritjeje
Sot dhe nesër do jemi nën ndikimin e kundërshtimit të plote midis Marsit në Peshore dhe Uranit në Dash. Duhet të ndahemi njëherë e pergjithmne nga çdo gjë qe nuk na shërben më në zhvillim dhe në përparim.
Ndryshime rrënjësore me të djeshmen.
Afërdita ka kaluar përfundimisht në shenjen optimiste të Shigjetarit kurse Merkuri këto dy dite do jetë në fazë të palëvizshme përpara se të kthehet i kundërt në Shigjetar.
Grada ku Merkuri është në pozicion të palëvizshëm ne Shigjetar është shume e rëndësishme nga pikëpamja e metafizikes.
Le të mos nxitojmë dhe të mos bëhemi optimist me frymëmarrjen që sjellin planetët në Shigjetar.
NEVOJITET SHIGJETA E DUHUR PËR UDHETIMIN QË PO PLANIFIKOJMË.
Dashi do ketë vonesa ligjore, por edhe duhet të mos ndërmarr vendime të rëndësishme apo nënshkrime kontratash.
Demi do ketë përfitime ekonomike dhe qetësi shpirtërore në jetën personale, por kjo do jetë e diskutueshme për të lindurit ne dhjetëditëshin e tretë të shenjës së tyre.
Binjaket janë një ditë para hënës së plotë në shenjen e tyre dhe kjo mund t’i nxjerrë zbuluar në disa situata që nuk janë të pëlqyeshme.
Gaforrja do ketë plogështi dhe mbyllje shpirtërore. Më e mira e mundshme është të çlodhet apo të jetë krijuese duke bere art ose bamirësi.
Luani duhet të shkëputet nga persona që i kanë premtuar dashuri zhvillim pune dhe që nuk e kanë mbajtur fjalën. Nuk duhet të presin derisa të zhgënjehen prapë.
Virgjëresha do ketë humbje ekonomike dhe kjo duhet të detyroj ti jap fund shpenzimeve të tepërta apo menaxhereve që e çojnë në humbje.
Peshorja do ndjehet e dobët para forcës dhe paparashikueshmërisë së disa njerëzve të çilet tani po tregojnë vërtet qëllimet e tyre sidomos në punë.
Akrepi duhet te ekuilibrojë famën me punën dhe fitimet reale. Nëse fitimet nuk po vijnë atëherë diçka nuk po shkon mirë me mënyrën e prezantimit.
Shigjetari nuk duhet që në emër të ndryshimit dhe fillimeve të reja të sillen keq dhe pa takt me gjithkënd që mund të ketë qenë një vlerë në jetën e tyre.
Bricjapi do ketë ndryshime dhe probleme familjare pasi disa vendime nuk merren dot apo bien në kundërshtim me njëra-tjetrën.
Ujori do kuptojë qe sado te jete protagonist reformist dhe parashikues duhet pak me shume durim dhe diplomaci që të tjerët ta kuptojnë dhe mbështesin.
Peshqit do kenë përballje në jetën sentimentale dhe do ndjehen të humbur disi duke mos e besuar që pas kësaj mund vërtet të të hapet një rruge e re.
