Deputetët e Partisë Demokratike në nisje të seancës së sotme plenare kanë dorëzuar një kërkesë në Kuvend për ndryshimin e rendit të ditës.
Në kërkesën e PD-së, deputetët demokratë theksojnë se raporti i publikuar disa ditë më parë nga DASH, tregon për keqqeverisjen në Shqipëri dhe situatën alarmante në vendin tonë dhe tentativën e kryeministrit Edi Rama për të ushtruar presion dhe t’i mbyllë gojën mediave të lira.
Deputetet e opozitës kanë kërkuar një mocion me debat, pa kohë të kufizuar, ku një deputet duhet të ketë minimalisht 10 minuta kohë për të folur.
Kërkesa e PD-së drejtuar Kuvendit:
Deputetë të Partisë Demokratike kanë paraqitur në dokumentin zyrtar dërguar kryetares së Kuvendit, znj. Lindita Nikolla kërkesë për ndryshim të Rendit të Ditës të datës 23.03.2023 në ora 10:00, duke i kërkuar si pikë të parë Mocion me Debat për raportin e publikuar nga DASH.
Deputetët e Partisë Demokratike kanë kërkuar në mënyrë të përsëritur të përdorin instrumentat që Kushtetuta dhe Rregullorja e Kuvendit përcakton, duke i dhënë hapësirë funksionit kontrollues të Parlamentit. Por shpesh herë këto të drejta që Kushtetuta i njeh Opozitë, nuk janë respektuar nga mazhoranca apo Kuvendi.
Në këtë kontekst, bazuar në Nenin 31 pika 2 dhe Nenin 98 të Rregullores së Kuvendit, një grup deputetësh të opozitës kërkojnë:
Ndryshimin e Rendit të Ditës
Në përputhje me pikën 1, përfshirjen si pikë e parë e Rendit të Ditës të një Mocioni me Debat për Raportin e DASH.
Debati të jetë me kohë të pakufizuar, ku çdo deputet të ketë një kohe niminalisht prej 10 minutash për të diskutuar.
Sipas kërkesës së deputetëve të Opozitës, Kryetarja e Kuvendit duhet të mbledhë menjëherë Konferencën e Kryetarëve, para fillimit të Seancës Plenare, për të bërë ndryshimin e Rendit të Ditës të kësaj seance sipas kërkesës së mësipërme.
Kërkesë për ndryshim të Rendit të Ditës të Seancës Plenare datë 23.03.2023, ora 10.00 duke përfshirë si pikë e parë e Rendit të Ditës të një Mocioni me Debat për Raportin e Departamentit Amerikan të Shtetit.
Dokumenti
