Policia duhet të jetë shembull në sjellje dhe respektim të ligjit por në Shqipëri ndodh e kundërta.
Ditët e fundit janë shtuar rastet kur policët dhunojnë njëri-tjetrin, madje shpesh herë bëhen subjekt për sjellje aspak dinjitoz që ul besimin e qytetarëve ndaj uniformat blu. Jo pak herë efektivët e policisë shfaqin sjellje manjake ndaj vajzave në kryeqytet duke thyer çdo normë morale të uniformave blu.
Së fundmi në media janë publikuar disa mesazhe seksiste me të cilat komunikojnë mes tyre shefat e komisariatit nr. 1 në Tiranë.
Bëhet fjalë për një vajzë të humbur, ndërsa shefat në komunikimin e tyre në Whatsapp flasin për të me komente seksiste, të publikuara nga JOQ
Sipas asaj që shkruhet në chat vajza është vetëm 18 vjeç, ndërsa ndaj saj komentohet “ça modeli është” dhe “shihe nga parakolpi”.
Pas publikimeve në media të rastit, Agjencia e Mbikëqyrjes Policore njoftoi nisjen e një hetimi disiplinor: “Drejtoria Rajonale e AMP Tiranë ka nisur menjëherë procedurat për nisjen e hetimit disiplinor ndaj punonjësve të Policisë Tiranë, pas publikimit në rrjete sociale të disa komunikimeve jo etike, në grupet e komunikimit”.
