KAS me shumicë votash rrëzoi kërkesën e Berishës dhe pranoi pjesërisht kërkesën e Alibeajt.
Pas kësaj ka reaguar dhe përfaqësuesi ligjor i grupimit “Alibeaj” në këtë proces, Indrit Sefa.
Sefa ka thënë se do të marrin të gjitha hapat ligjorë, pasi nga ana e tyre respektohen të gjitha rrugët e kodit zgjedhor
“Ne kemi besim totalisht te ligji dhe vendimmarrja e sotme eshte një vendim i ligjshëm dhe i drejtë, dhe dëmi që ka bërë kryekomisioneri që e ka vonuar me 10 ditë regjistrimin ishte e pambështetur në ligj, këto interpretime nuk duuhet të bëhen në kurriz të ligjit, kryekomisioneri duhet të marrë vendime të pavarura. Ky është një moment për PD që të fillojë punën dhe të ndjekë të gjithë hapat për përgatitjen e fushatës zgjedhore që është në derë. Do të marrim të gjitha hapat ligjorë, pasi nga ana jonë respektohen të gjitha rrugët e kodit zgjedhor”, është shprehur Sefa.
