Ish-banorja e “Big Brother VIP 1″, Arjola Demiri, dukej si një nga mbështetëset e Luizit, por gjithçka ndryshoi, kur këngëtari e cilësoi si false.
Ajo u shpreh se në fakt këngëtari ka gënjyer, pasi nuk ka qenë as shok me burrin e saj.Luizi e cilësoi Arjolën si njeri të viktimizuar që përdorte fëmijët e saj për lojë.
“Babain e fëmijëve të saj unë e njoh edhe nuk u mungon absolutisht asnjë gjë fëmijëve, as jeta e luksit, as shtëpia, absolutisht asgjë. Arjola ka qenë lojtarja më false nga fillimi deri në fund. Sa u përket lotëve është më se normale që nëna për fëmijë do qajë. Çdo dy ditë përmendte fëmijët e saj. Me gjithë respektin, aty të gjithë kishin fëmijë, nëna e motra. Arma e saj ishte përmend fëmijët-qaj, përmend fëmijët-qaj”, tha Luizi.
Ditën e sotme, aktorja ka zgjedhur t’i përgjigjet Luizit, duke sqaruar edhe raportin që këngëtari ka me ish-bashkëshortin e saj. “E ndiqja. Luizi (personi që i menaxhon faqen) më ndiqte që në fillim”, shprehet ajo.
