Aksidentet rrugore me pasojë vdekjen në Shqipëri nuk ndalen.
Pas bilancit tragjik me 6 viktima në katër aksidente që u rejgistruan brenda harkut të 24 orëve, duke nisur nga përplasja fatale me 3 viktima te mbikalimi i Saukut, që ndodhi në orën 17:40 të së enjtes, një tjetër person ka humbur jetën si pasojë e një aksidenti.
Mësohet se në fashtin Melan të Dibrës një makinë ka dalë nga rruga dhe është batuar disa metra duke përfunduar buzë një përroi.
Si pasojë e këtij aksidenti ka mbetur i vdekur një 20-vjeçar, që ishte pasagjer në automjetin tip “Golf”, të drejtuar nga një 18-vjeçar që ndodhet jashtë rrezikut për jetën.
Ngjarja ka ndodhur disa metra larg rrugës nacionale dhe fillimisht makina e përmbysur është pikasur nga kalimtarët e rastit, të cilët kanë njoftuar policinë.
Edhe pse një ambulancë ka mbërritur menjëherë në vendngjarje dhe ka transportuar 18-vjeçarin për në spitalin e Peshkopisë, fatkeqësisht i riu nuk ka mundur t’i mbijetojë plagëve të marra.
Njoftimi i policisë:
Sot, rreth orës 14:15 në rrugën dytësore të fshatit Melan, shtetasi R.K., 18 vjeç, duke drejtuar automjetin tip “Golf”, ka humbur kontrollin mbi drejtimin e mjetit dhe mjeti ka dalë nga rruga.
Si pasoje e aksidentit ka humbur jetën pasagjeri shtetasi A.S., 20 vjeç.
Në vendngjarje ndodhet grupi hetimor, i cili po kryen veprimet e mëtejshme në lidhje me zbardhjen e rrethanave të aksidentit.
