Gabimi i gjyqtarëve në ndeshjen mes Valencias dhe Barcelonës, ku Lionel Messit iu mohua një gol mëse i qartë, nuk ishte i pari, por besojmë nuk do të jetë as i fundit, pasi siç po vëmë re, edhe me teknologjinë po bëhen gabime. Nisur nga ky rast, që ka nxitur shumë debate në Spanjë për përfshirjen e VAR-it në ndeshjet e “La Liga-s, po paraqesim 10 vendimet më skandaloze arbitrale në futboll. Natyrisht, në to bën pjesë edhe goli me dorë i Maradonës, që vendosi në njëfarë mase edhe fatin e një Botërori.
HURST, 1966: Në finalen e Kupës Botërore të Anglisë 1966, luajtur mes Gjermanisë dhe Anglisë, anglezi Hurst e gjuajti topin dhe goditi tranversën e më pas ra në tokë, tej vijës fatale. Mirëpo, gjyqtari zviceran, Gottfried Dienst, nuk e konsideroi atë si një gol të rregullt.
“DORA E ZOTIT” – MARADONA, 1986: Një nga rastet më historike të futbollit. Diego Armando Maradona luante në radhët e Argjentinës kundër Anglisë, në çerekfinale të Kupës Botërore të Meksikës 1986. Gjyqtari tunizian Ali Bennaceur nuk e pa goditjen e topit me dorë nga Maradona dhe e konsideroi gol të rregullt.
HELMER, 1994: Thomas Helmer sikur ishte porositur të zbriste në histori për të shënuar golin e parë të fitores së Bundesligës. Kjo ndodhi në vitin 1994, kur shënoi në Nuremberg dhe kështu Bayern Munich triumfoi 1-0.
KORE-ITALI, 2002: Gjyqtari nga Ekuadori, Bryan Moreno, ishte përgjegjës për arbitrimin e ndeshjes së raundit 1/16 midis Koresë së Jugut dhe Italisë. Performanca e tij ishte një skandal. Ai vuri në dukje një penallti të dyshimtë në favor të Koresë në pjesën e parë, si dhe dëboi Tottin në kohën shtesë, duke i treguar atij kartonin e dytë të verdhë për simulim, kur në fakt u “dhunua” nga rivali. Po ashtu, ai anuloi një gol të artë krejtësisht të rregullt për Tomassin, për një pozicion jashtë loje që nuk ekzistonte.
LAMPARD, 2010: Ishte finalja e tetë e Kupës së Botës 2010 në Afrikën e Jugut, një lojë midis Anglisë dhe Gjermanisë. Me këtë rast, anglezi Frank Lampard goditi me mjeshtëri topin dhe tronditi tranversën e portierit gjerman. Topi e kaloi vijën fatale dhe ra në tokë, por gjyqtari uruguajan, Jorge Larrionda, nuk e pa dhe e ndihmoi Gjermaninë të fitonte 4-1.
HENRY, 2010: Thierry Henry e kualifikoi Francën për Kupën e Botës 2010 në Afrikën e Jugut me dorën e tij të majtë. Ai e mori në zotërim topin me dorë, e pasoi te bashkëlojtari, që me kokë e drejtoi në rrjetë dhe e la kundërshtarin, skuadrën kombëtare irlandeze, jashtë Kupës së Botës. Një gabim i madh nga gjyqtari suedez, Martin Hanson, të cilit Franca duhet t’i ketë qenë shumë mirënjohëse.
CHAMPIONS: Shalke 04 shënoi një gol ndaj Valencias me katër lojtarë në murin mbrojtës, para Jefferson Farfan. Ishte ndeshje e njërit nga raundet e Ligës së Kampionëve dhe goli, në mënyrë të pashpjegueshme, nuk figuroi në tabelën e rezultatit.
DËMTIMI: Lojtari i Suwon Bluewings pësoi një goditje të fortë, pas një goditjeje nga këndi nga e djathta. Megjithatë, gjyqtari lejoi të kalojnë disa minuta pa e vënë re dëmtimin serioz të lojtarit.
KIESSLING, 2016: Një nga rastet më të fundit ishte goli fantazmë i Stefan Kiessling. Bundesliga ishte shumë e prekur nga ky rast, duke shkaktuar një siklet të madh në konkurrim. Loja ishte midis Hoffenheim dhe Bayer Leverkusen, i cili triumfoi në sajë të golit fantazmë (1-2), që arbitri Felix Brych dha pa të drejtë.
CONCACAF, 2015: Një gabim i arbitrit, gjithashtu, tronditi futbollin e Amerikës Latine. Gjatë ndeshjes gjysmëfinale të “Concacaf 2015”, e luajtur nga Meksika dhe Panama, me lojën panameze që mbizotëronte në të gjithë fushën, ishte Meksika që shkoi në finale. Arbitri amerikan, Mark Geiger, vërshëlleu një penallti të rrejshme, që e bëri Meksikën të arrinte në finale.
