Banka e Shqipërisë bëri të ditur se, depozitat arritën në fund të shkurtit të këtij viti, në 982 miliardë lekë, ose 3.9 miliardë lekë më pak se një muaj më parë.
Efekti rënës ka ardhur si rezultat i tkurrjes së depozitave me afat të individëve, që u reduktuan me 4.5 miliardë lekë, apo rreth 1.2% me bazë mujore. Ndërsa arsyeja tjetër e kësaj tendence lidhet me rënien e ndjeshme të interesave, që depozituesit marrin për kursimet e tyre.
Në shkurt, sipas statistikave të Bankës së Shqipërisë, interesi mesatar i depozitave të reja me afat maturimi 12-mujor ishte 1.15%, në një nivel minimal rekord.
