Një ngjarje e paprecedentë ka ndodhur në Rodos të Greqisë, ku një 24-vjeçare greke në bashkëpunim me të dashurin e saj shqiptar ka çuar pas hekurave babain e saj, i cili nuk pranonte lidhjen e tyre të dashurisë.
E reja e akuzoi babanë e saj 50-vjeçar për përdhunim, kërcënim dhe dhunë në familje, por asnjë prej akuzave nuk është e vërtetë pasi historia është stisur.
Mediat greke shkruajnë se çdo gjë ka filluar në dhjetor të 2020 deri më 17 shkurt 2021, pasi babai i 24-vjeçares nuk ishte dakord me marrëdhënien e saj me 29-vjeçarin shqiptar.
Babai ngriti një padi kundër partnerit të së bijës, duke pretenduar se i kishte dërguar atij një video me momente intime me vajzën e tij dhe mesazhe kërcënuese.
Megjithatë, 24-vjeçarja shkoi në polici, duke thënë se babai e kishte mbajtur të burgosur kundër dëshirës së saj në shtëpinë e familjes në Rodos , ku rreth fundit të shkurtit 2021 dhe ndërsa ata ishin vetëm në shtëpi e ka detyruar duke ushtruar dhunë fizike dhe kundër vullnetit të saj të kryente marrëdhënie seksuale me të.
Gjithashtu, ajo pretendonte se babai i saj e rrihte, sidomos pas lidhjes së saj me 29-vjeçarin, të cilën ai nuk e miratonte dhe se po përpiqej me dhunë ta detyronte t’i jepte fund marrëdhënies me të.
Në bisedat e regjistruara të tre të përfshirëve, e cila u transkriptua me urdhër të prokurorit, rezultoi se 29-vjeçari shqiptar i ka kërkuar partneres të ngrejë padi kundër babait të saj, me pretendimin se ai e përdhunoi dhe dhunoi fizikisht për të vërtetuar se e do atë.
24-vjeçarja u thirr sërish për të dëshmuar dhe më 3 mars 2023, ajo deklaroi se nuk i kujtohej biseda telefonike, nuk tërhoqi atë që kishte thënë në deklaratat e saj fillestare dhe shprehu shqetësimin për padinë ndaj partnerit.
24-vjeçarja nuk është ekzaminuar nga mjekët, pasi nuk ka dashur dhe ka deklaruar se është përdhunuar sistemakisht.
