Turqia preket sërish nga sulmet terroriste, pasi pak minuta më parë një shpërthim ka ndodhur pranë një stacioni të autobusit në Diyarbakir në lindje të vendit.
Mediat vendase raportojnë se shpërthimi ka qenë i fuqishëm ku për pasojë të paktën 14 persona mbetën të plagosur përfshirë edhe një roje të sigurisë.
Shumë ambulanca janë në vendngjarje ndërsa policia ka vendosur perimetrin e sigurisë dhe po vijon hetimet për të zbardhur ngjarjen.
Kjo zonë konsiderohet si një vend me popullsi me shumicë kurde.
