Presidenti i SHBA-ve, Joe Biden është rrëzuar sërish teksa ngjit shkallët e avionit Air Force One në Alabama.
New York Post thekson se kjo është hera e pestë që Joe Biden rrëzohet në shkallët e aeroplanit presidencial, ku incidenti më i fundit ndodhi disa javë më parë kur ai po largohej nga Polonia pas udhëtimit në Ukrainë.
Pas këtyre rrëzimeve të shpeshta në publik, mediat amerikane ngrejnë pikëpyetje mbi gjendjen shëndetësore të presidentit amerikan.
Mjeku i Biden në raportin e tij prej pesë faqesh mbi gjendjen shëndetësore të presidentit deklaroi në shkurt se presidenti kishte “artrit të lehtë pas frakturës së këmbës dhe neuropati të lehtë periferike ndijore të këmbëve”.
