Tensioni midis Rusisë dhe vendeve perëndimore nuk po kufizohet vetëm në fushëbetejën ukrainase, por luhet edhe në thellësitë e detit Mesdhe.
Prej muajsh analistët po shikojnë me shqetësim manovrat gjithmonë e më të shpeshta dhe provokuese të anijeve ruse në Mesdhe, por orët e fundit situata po tensionohet edhe më shumë, aq sa Italia ka ngritur në qiell avionët e saj P-72 për të monitoruar situatën nga lart.
Siç raporton gazeta italiane La Repubblica, analistët thonë se me shumë mundësi anijet po ndjekin nga afër aeroplan mbajtësen amerikane John Bush që pikërisht në këto momente gjendet në ujërat e Adriatikut, mes brigjeve të Pulias në Itali dhe Shqipërisë .
Disa muaj më parë një episod i ngjashëm ndodhi pikërisht në zonën ku kalon gazsjellësi TAP, që kalon nga vendi ynë dhe anashkalon Rusinë .
