Kandidati i opozitës për Bashkinë e Elbasanit, Luçiano Boçi, ka sjellë në vëmendje situatën shumë të rëndë në infrastrukturën e lënë në “mëshirë të fatit” në këtë qytet që prej vitesh pushteti lokal qeveriset nga socialistët.
Gjatë një postimi në rrjetet sociale, Boçi publikon një video skandaloze të asfaltit elektoral që sipas tij ofendon çdo ditë dhe më shumë banorët elbasanas. Boçi thotë se qytetarët më 14 maj do të ndëshkojnë socialistët me votë për të sjellë ndryshimin në Elbasan.
“T’i përgjigjemi propagandës me të vërteta! Kudo ku është punuar për të rrëmbyer vota! Kudo ku s’janë mbajtur premtimet! Kudo ku janë kujtuar se ekzistojnë komunitetet vetëm në prag të zgjedhjeve! Kudo ku fasadat dhe asfalti elektoral vendoset si fyerje për t’i hedhur hi syve qytetarëve elbasanas, do të ketë reagim publik dhe ndëshkim me votë! Denoncimi më poshtë nga banorët e lagjes “Kongresi i Elbasanit””, shkruan Boçi.
