Në studion e MCN TV politologu Ilir Kalemaj ka diskutuar mbi vendimin e Gjykatës së Apelit për vulën e PD, për të cilin u shpreh se vendimi ishte i pritshëm dhe se gjykata ishte nën presion.
Ai tha se kjo nuk dha asnjë zgjidhje dhe se opozita vazhdon të jetë në një ngërç politik. Sipas tij, çuarja e çështjes në gjykatën e lartë nuk i shërben aspak Partisë Demokratike.
Ishte vendim i pritshëm e kam paralajmëruar një vendim të tillë bazuar në hipotezat që priteshin dhe për faktin se u la për 1 vit në dyert e gjykatave duke u ndjekur. Vendimi më i pritshëm ishte rikthimi nga e para.
Kjo gjë do e hiqte pataten e nxehtë nga gjykata, por natyrisht ishte përballë një presioni për të marrë një vendim të tillë dhe për të shpëtuar nga ky presion ishte rikthimi në shkallë të parë edhe pse kjo nuk e zgjidh ngërçin dhe nuk e shpëton opozitën.
Ndërsa sa i përket propozimit nga deputeti Dashnor Sula që kandidatët e primareve të garojnë me siglën e PD-së por që në pamje të parë grupimi e Berishës po e refuzon, Kalemaj tha se duke kompromis jo i keq.
Mendoj se është një propozim që nuk duhet të kalojë pa vëmendjen e duhur. Dhe për kohën e shkurtër që ka deri në zgjedhje mendoj se do ishte vendimi adekuat për të mos dalë me dy kandidatë. Çdolloj skenari tjetër do ishte i vështirë për opozitën nëse dilnin me dy kandidatë.
Kjo është një zgjedhje e detyruar nga rrethanat sepse situata në PD nuk është se ka shkuar drejt përmirësimit. Nuk mendoj se çuarja në gjykatë të lartë do i shërbej Partisë Demokratike, apo elektoratit të djathtë që do dilnin të përfaqësuar në këto zgjedhje. Ajo që ka për të ndodhur janë zgjedhje moniste për shkak të rrethanave të krijuara nga vetë palët.
Lidhur me protestën e djeshme, Kalemaj theksoi se opozita nuk ka një strategji të caktuar., ndërsa sa i takon koalicionit Berisha-Meta shprehet se nuk hap probleme.
Natyrisht e kam thënë se protesta duhet të kenë strategji politike përtej strategjisë organizative. Natyrisht janë zgjedhjet përpara që janë dhe testi demokratik që përcakton se kush i fiton këto zgjedhje. Sa i përket koalicionit Berisha-Meta nuk mendoj se dëmton asnjërën palë. Është një marrëveshje politike e mirëfilltë, por nuk po funksionon për shkak të problemeve që ka vetë PD në rastin konkret.
