Mediat greke raportojnë këtë mbrëmje se kryebashkiaku i Athinës, Kostas Bakojanis është kërcënuar me jetë mesditën e sotme.
Sipas Newsbomb.gr mesditën e së enjtes, një person i panjohur i dërgoi një letër kërcënuese Bakojanisit dhe një zarf brenda të cilit ndodhej edhe një plumb i kalibrit 45 mm.
Forcat e rendit kanë marrë dosjen dhe hetimet i ka marrë në dorë sigurimi i shtetit.
Sipas informacioneve në shënimin në dosje, dërguesi i panjohur sulmon Policinë Bashkiake me karakterizime përçmuese.
